Пепе Рейна ёзда "Наполи"дан кетишини эълон қилди

Италиянинг “Наполи” клуби дарвозабони Пепе Рейна мавсум якунлангач жамоадан кетишини эълон қилди. Айтиш лозимки, 35 ёшли посбоннинг неаполликлар билан амалдаги шартномаси ёзда ўз ниҳоясига етади. Томонлар эса ушбу келишувни узайтирмоқчи эмас.

У ўзининг ушбу қарорини қизининг туғилган кунига ташриф буюрган жамоадошлари Марек Гамшик, Марио  Руи, Дрис Мертнес, Хосе Кальехон ва Рауль Альбиолларга айтди.

“Футбол мени турли жойларга ташлади. Бу менинг “Наполи”даги сўнгги мавсумим. Футболда барчаси оддий яратилган: бугун бу ерда, эртага бошқа ерад”, - дейди испаниялик футболчи.

Маълумот учун, Рейна жорий мавсум “Наполи” сафида жами 34та баҳсда иштирок этган ва ўз дарвозасидан 29та гол ўтказиб юборган.