Pepsi Суперлига: “Бухоро” – “Насаф”. Устунлик қаршиликлар томонида

Бугун, 26 май куни Суперлига 13-тури доирасида “Бухоро” жамоаси ўз майдонида “Насаф” футболчиларини қабул қилади.

“Бухоро” ва “Насаф” жамоалари миллий чемпионатда шу пайтгача ўзаро 41 марта куч синашганлар. Ўзаро бўлиб ўтган  учрашувларнинг 22 тасида қаршиликларнинг қўли баланд келган. 9 учрашувда муроса кўчаси танланган бўлса, 10 учрашувда бухоролик футболчилар ғалабага эришган.

Мазкур жамоалар Бухорода 20 марта ўзаро куч синашган. “Бухоро” ўз уйида 10 бор “Насаф”ни таслим қилган. 4та учрашувда муроса кўчаси танланган. “Насаф” 6 марта Бухородан уч очко билан қайтган. Ўзаро учрашувларда дарвозаларга жами 58та тўп киритилган.

Ўтган йилги Бухорода ўтган ўзаро учрашувда мезбонлар кичик, 1:0 ҳисобида ғалабага эришган. Бу йил Қаршида бўлиб ўтган илк ўзаро учрашувда эса “аждарлар” рақибини 3:1 ҳисобида таслим этганди.