Про-лига. "Истиқлол" Ўш шаҳри жамоасини 17:0 ҳисобида таслим қилди

Аввал хабар берганимиздек Ўзбекистон Про-лигаси иштирокчиси ҳисобланган Фарғонанинг “Истиқлол” клуби Қирғизтоннинг Ўш шахрида бўлиб ўтаётган «Кубок Сулаймон тоо» халқаро турнирида иштирок этмоқда.

Фарғоналиклар бугун гуруҳнинг сўнгги учрашувида Қирғизистон Биринчи лигаси вакили ҳисобланган Ўш шаҳрининг “Қизил меҳнат” жамоаси билан куч синашишди. Голларга бой кечган баҳсда “Истиқлол” рақиби дарвозасига жавобсиз 16та тўп киритди. Якуний ҳисоб 17:0.

Эслатиб ўтамиз, “Истиқлол” гуруҳдаги қолган икки ўйиннинг бирида “Жалолобод” клубини 12:0 ҳисобида таслим этган, яна бир баҳсда эса Қирғизистон Олий лигаси иштирокчиси ҳисобланган “Академия” жамоасига 2:1 ҳисобида имкониятни бой бериб қўйган эди.

«Кубок Сулаймон тоо»

Гуруҳ босқичи 3-тур.

“Қизил меҳнат” (Қирғизистон) - “Истиқлол” (Ўзбекистон) 0:17