"Реал" Каземирога муносиб ўринбосар топиб қўйди

Мадриднинг “Реал” клуби ёзда ПСЖга ўтиши айтилаётган ярим ҳимоячи Каземиронинг ўрнига муносиб футболчи топиб қўйди.

Хабарларга қараганда “қироллик клуби” раҳбарияти бразилиялик футболчи ўрнига ёзда “Ливерпуль” билан шартномаси тугаб, эркин агентга айланадиган Эмре Жанни олиб келмоқчи. Айтиш лозимки, 26 ёшли германиялик футболчи учун шунингдек Туриннинг “Ювентус” клуби ҳам жиддий кураш олиб бормоқда.

Маълумот учун, Жан бу мавсум АПЛда жами 26та учрашувда иштирок этган ва ўз ҳисобига 3та гол ҳамда 5та голли узатма ёздириб қўйишга эришган.