"Реал Сосьедад" бош мураббийи истеъфога чиқарилди

Испаниянинг "Реал Сосьедад" клуби бош мураббийи Эусебио Сакристана ўз лавозимидан озод этилди.

Таъкидлаш лозимки, мағлубиятлар гирдобига тушиб қолган басклар примеронинг 29та туридан сўнг 33 очко билан 15-поғонасига тушиб кетишди. Улар ўтган сўнгги турда ўз майдонларида “Хетафе”га 2:1 ҳисобида мағлуб бўлишган эди.

Эслатиб ўтамиз, 53 ёшли испаниялик мутахассис “Реал Сосьедад”ни 2015 йилнинг кузидан буён бошқариб келаётган эди. Энди унинг ўрнига Иманоль Альгуасиль жамоани вақтинчалик бошқариб турадиган бўлди.