Роналду ўз рекордини ўзи такрорлади

Мадриднинг “Реал” клуби ҳужумчиси Криштиану Роналду Испания Ла Лигаси 33-туридан ўрин олган “Атлетик”ка қарши кечган баҳсда гол киритишга эришди.

Шу тариқа, Роналду кетма-кет 12-ўйинида гол киритиб, ўзининг шахсий рекордини янгилади. У 2014/15 йилги мавсумда ҳам кетма-кет 12 беллашувни голсиз тарк этмаган эди.

Маълумот учун, Роналду ушбу 12 ўйинда рақиблар дарвозасига 22 та тўп киритишга эришди.