Роналду қўйган кечаги рекорд. Месси ундан оша оладими?

Футбол дунёсида шундай атама мавжуд – “кучли бешлик”. Бу иборани футбол оламидан яхши хабардор бўлган инсонлар жуда яхши билишади. Билмаганларга эса эслатиб ўтамиз: Англия Премьер лигаси, Испания Ла лигаси, Италия А Серияси, Германия Бундеслигаси ва Франция биринчи дивизионини умумий тарзда “кучли бешлик” деб аталади. Биз эса мазкур “бешликка” кирувчи  чемпионатларда энг кўп гол киритишга муваффақ бўлган футболчилар билан сизларни таништирамиз.

>>Рақибларни тўпга қушиб отадиган “тўпчилар” 

>>“Реал”га муҳлислик қилувчилар буни билишлари керак! 

>>Месси хали ета олмаган, Роналду эса шахдам одимлаётган рекорд ҳақида

5. Стив Блумер(Англия) – 317 та гол

Инглиз футболининг ёрқин афсонаси бўлган Блумер ҳақида ёш муҳлислар ҳеч нарса билмаслиги табиий. Шундай экан у ҳақида оз бўлсада, ма`лунот бериб ўцак, мақсадга мувофиқ бўлар эди. Стиб футболчилик фаолиятини ХIХ асрнинг охири ҳамда ХХ асрнинг бошларида олиб броган бўлиб, “Дерби Каунти” ҳамда “Мидлсбро” жамоаларида ўйнаган. Ҳаётининг катта қисмини “Дерби”га бағишлаган Блумер “қўйлар” сафида тўрт бор Англия чемпионатининг энг яхши тўпурари бўлади. “Дери” клуби тарихидаги энг яхши тўпурар ҳам айнан қаҳрамонимиздир – 332 та гол. IFFHS уни ХХ асрнинг энг яхши футболчилари рўйҳатида 45-ўринга мос кўради. Умуман Блумер фаолияти давомида 394 та гол киритган бўлиб, 332 тасини “Дерби Каунти”да, қолган қисмини “Мидлсбро” ҳамда Англия термаси сафида киритган. Умуман Блумер юқоридаги икки клуб таркибида миллий чемпионат доирасида 317 та тўп киритишнинг уддасидан чиққан.

>>Буффон ета олмаган рекорд ҳақида 

4. Лионель Месси – 347 та гол

Бу футболчи ҳақида ортиқча таъриф беришнинг ҳожати бўлмаса керак. Замонамизнинг энг кучли футболчиларидан бири бўлган Лео Испания Ла лигасида айни пайтга қадар рақиблар дарвозасини 347 бор ишғол этишнинг уддалаган. Ҳозиргача Месси Ла лига тўпурарига топшириладиган “Пичичи” совринини 3 бора қўлга киритган.

>>Мессини камситманг!

3. Герд Мюллер – 365 та гол

Мюллер – бу фамилияга эга бўлган футболчилар ўзларининг маҳорати билан дунёни лол қолдиришган десак муболаға бўлмайди. Герд, Диттер ҳамда Томас Мюллерларнинг немис футболидаги тутган ўрни бўлакчадир. Биз сўз юритаётган Герд Мюллер фаолиятининг асосий қисмини “Бавария” сафида ўтказган бўлиб, клуб ва терма жамоада ютиш имкони бўлган барча совринларни қўлга киритгандир. Герд Мюллер Бундеслигада 427 та ўйинда майдонга тушган ҳолда 365 бор рақиблар дарвозасини ишғол этган. 7 бор ГФР чемпионатининг энг яхши тўпурари бўлган Герд Мюллер мазкур рейтингдаги ўрнини яқин орада бой бериши кутилмоқда.

>>“У Мессидан ҳам кучли бўлади” ёхуд Мбаппенинг ажойиб натижалари ҳақида

2. Жимми Гривз – 366 та гол

Инглиз футболининг яна бир ёрқин ижрочиларидан бири бу – Жимми Гривздир. “Челси” ҳамда “Тоттенхем” клубидаги ёрқин ўйинлари билан муҳлислар олқишига сазовор бўлган Гривз 20 ёшида Англия чемпионатида 100, 23 ёшида эса 200 та тўп киритишнинг уддасидан чиқади. Англия чемпионатлари тарихидаги энг яхши тўпурар, бундан ташқари “Тоттенхем” тарихидаги энг яҳши тўпурар ҳам айнан Гривздир.

1. Криштиану Роналду – 367 та гол

Роналдунинг куни кеча “Сельта”га қилган “дубл”ини ҳам инобатга оладиган бўлсак, унинг кучли бешлик чемпионатларида киритган голлари сони 367 тани ташкил этмоқда. Унга бунча голдан иборат “хирмон”ни ясаши учун 381 та ўйин керак бўлди. Ўртача самарадорлик эса ўйинга 0,92 тани ташкил этмоқда. Потугалиялик футболчи АПЛда 84 та гол киритган бўлиб, қолган голлар Ла лигага тўғри келади. АПЛда бир бор тўпурар бўлган Роналду Испания чемпионатида 3 бор энг яхши тўпурар учун аталган совринни қўлга киритишга муваффақ бўлган. Бироқ Месси қачонлардир ушбу рекордни янгилаши кутилмоқда.

Изоҳ: Маълумот 18.05.2016 ҳолатига

Тавсия этамиз: 

• Ҳакамлар “Барселона”га ён босади(ми)
• Роналду – афсона! Қаршимисиз? Исботлаймиз!
• ЕЧЛда “Бавария”га энг кўп гол киритган футболчилар

Шаҳзод Холбоев тайёрлади