Суперлига. 7-турда энг кўп мухлис Наманганда, Бухоро эса 2-ўринда

1372

Суперлига. 7-турда энг кўп мухлис Наманганда, Бухоро эса 2-ўринда

19-21 апрел кунлари Ўзбекистон Суперлигаси 7-тур ўйинлари бўлиб ўтди. Тур доирасидан ўрин олган 6 та баҳсни томоша қилиш учун стадионларга жами 70 929  та мухлис ташриф буюрди. Бу ўртача ҳар бир ўйинга 11 821 мухлис келганини англатади.

Энг кўп мухлис Намангандаги “Навбаҳор” – “Бунёдкор” қарама-қаршилигига келди. “Лочинлар”ни қўллаб-қувватлаш учун “Марказий” стадионга 21 600 та ишқибоз келди.

Бу борадаги иккинчи натижа бухороликларга тегишли бўлди. 19 апрел куни “Бухоро” стадионига ўз севиклиларини қўллаб туриш учун 15 525 нафар томошабин келди.

Турнинг энг кам мухлис тўплаган ўйини “Локомотив” – “Сўғдиёна: беллашуви бўлди – 3 148.

Қуйида еттинчи турга келган энг кўп мухлислар кетма-кетлиги билан танишишингиз мумкин:

 “Навбаҳор” – “Бунёдкор”  2:1                                                    21 600 томошабин

 “Бухоро” – АГМК 4:2                                                                15 525 томошабин

“Қизилқум” – “Нефтчи”  1:0                                                        11 450 томошабин

“Қўқон-1912” – “Насаф”  0:0                                                      11 056 томошабин

“Металлург” – “Пахтакор”  0:5                                                   8 150 томошабин

“Локомотив” – “Сўғдиёна” 2:0                                                   3 148 томошабин