Тевес аҳмоқона ишга қўл урди(ми?)

Аввалроқ аргентиналик машҳур ҳужумчи Карлос Тевес Хитойнинг "Шанхай Шеньхуа" клуби билан амалдаги шартномасини бекор қилишни режалаштираётгани ҳақида хабар берган эдик.

Clarin нашрининг хабар беришича клуб раҳбарияти 33 ёшли футболчининг шартномани муддатидан аввал бекор қилиш борасидаги илтимосини қаноатлантирган. Айтиш лозимки, Тевеснинг "Шанхай Шеньхуа" билан келишуви 2019 йилнинг декабрига қадар имзоланган эди. Ушбу келишувга кўра у йилига 38 млн евро маош олиб, дунёнинг ўша пайтдаги энг кўп маош олувчи футболчисига айланган эди.

Эслатиб ўтамиз, Тевес шанхайликлар сафида 2016 йилнинг декабридан буён тўп суриб келаётган эди.

Маълумотларга қараганда Тевес катта эҳтимол билан яна "Бока Хуниорс" клуби сафига бориб қўшилади. Бу унинг ушбу жамоага 3-марта келиши бўлади.