U-23 ОЧ. Финал қолдирилмайди!

Хабарингиз бор эртага 23 ёшгача бўлган футболчилар (U-23) ўртасида Хитойда давом этаётган Осиё чемпионатининг финал баҳси бўлиб ўтади.

Финалда Ўзбекистон олимпия терма жамоаси Вьетнам олимпия терма жамоасига қарши баҳс олиб боради. Ушбу ўйин бўлиб ўтадиган Чангжоу шаҳридаги олимпия марказий стадиони айни пайтда қор билан қопланган.

Стадион ходимлари эса ушбу стадионни эртанги финал учун тайёрлашмоқда.

Эслатиб ўтамиз, ушбу ўйин эртага Тошкент вақти билан соат 13.00 да старт олади.