Васкес: Пенальти бор эди, бугунги ўйин эса бизга дарс бўлиши керак

Мадриднинг “Реал” клуби ярим ҳимоячиси Лукас Васкес ЕЧЛ чорак финал босқичи доирасида “Ювентус”га қарши баҳсдан сўнг ўз фикрларини билдириб ўтди.

“Пенальти бор эди. Криштиану менга, ўн бир метрлик нуқтага тўпни узатди. Ҳимоячи (Меҳди Бенатия) эса менга ортдан келиб, мени мувозанатдан чиқарди. Мен бу вазиятда ҳужумни якунлашим мумкин эди. Бу шубҳасиз.

“Ювентус”нинг эътирози – бу  табиий ҳол. Ўйин охири эди.

Бугунги ўйин биз учун  дарс бўлиши керак. Ким кучсиз ўйнаса, бунинг бадалини тўлайди. ЕЧЛни ҳеч кимни  кечирмайди”, – деб айтиб ўтди Васкес.

Фикрлар

Фикр қолдириш учун авторизациядан ўтинг!