Ян Облак: Симеоненинг четлатилиши бизга таъсир қилмади

 

“Атлетико Мадрид” жамоаси дарвозабони Ян Облак “Арсенал”га қарши (1:1) кечган Европа Лигаси ярим финал илк ўйиндан кейин ўз фикрлари билан ўртоқлашди.

“Дастлабки дақиқалардан қийин ўйин бўлди. Биз муҳим голни уришга муваффақ бўлдик. Айнан шу натижа туфайли Мадридда бошимизни баланд кўтарган ҳолда қайтамиз. Ушбу натида “Атлетико” учун яхши.

Шиме Врсалько иштирокидаги вазиятни кўра олмадик, шунинг учун ҳакам қарорини муҳокама қилишни истамайман. Бундай ҳолатлар футболда учраб туради. Симеоненинг четлатилиши бизга таъсир қилмади. У бизнинг мураббий, танаффусдан кейин янада кучлироқ бўлиб чиқдик”, – деди Облак.

Маълумот ўрнида, “Атлетико” ва “Арсенал” ўртасидаги жавоб ўйини 3 май куни Мадриддаги “Ванда Метрополитано” стадионида бўлиб ўтади.

Фикрлар

Фикр қолдириш учун авторизациядан ўтинг!