Австралия терма жамоасини аргентиналик мураббий бошқариши мумкин
Аргентиналик машҳур мутахассис Марсело Бьелса айни дамда Австралия футбол федерацияси билан музокаралар олиб бормоқда.
L’Equipe нашри тарқатган хабарга қараганда соккерузлар айнан мана шу 62 ёшли мураббий қўл остида мундиалда иштирок этишлари мумкин.
Таъкидлаш керакки, Бьелсанинг сўнгги иш жойи Франциянинг “Лилль” клуби бўлган ва ушбу жамоадан бир ой муқаддам истеъфога чиқарилган эди.
Эслатиб ўтамиз, бундан аввалроқ Австралия терма жамоаси бош мураббийлигига Луис Фелипе Сколари, Юрген Клинсманн, Свен-Йоран Эрикссон, Славолюб Муслин, Кристоф Даум, Авраам Грант ва Жанни де Бьязи каби мутахассислар номзоди ҳам тилга олинаётган эди.
Маълумот учун, Австралия терма жамоаси ЖЧ-2018даги илк ўйинини Францияга қарши ўтказади.
Фикрлар