"Барселона" Маскеранонинг кетишини тасдиқлади

Каталониянинг “Барселона” клуби аргентиналик ҳимоячи Хавьер Маскеранони жамоадан кетишини расман тасдиқлади.

Клуб расмий сайтининг хабар беришича 24 январь куни 2010 йилдан буён “кўк-анор ранглилар” шарафини ҳимоя қилиб келаётган футболчи билан тантанали ҳайрлашув маъросими ўтказилади. Тадбирда клуб президенти Хосеп Мария Бартомеу ҳамда жамоанинг асосий таркиб футболчилари иштирок этишади.

Хабарларга қараганда Аргентина терма жамоаси аъзоси фаолиятини Хитойнинг “Хэбей Чайна Форчун” клубида давом эттиради.

Маълумот учун, Маскерано “Барселона” сафида жами 338та расмий учрашувда иштирок этиб, 18та совринни қўлга киритган.