"Интер" Хуан Матани ўз сафида кўрмоқчи

"Манчестер Юнайтед" клуби ярим ҳимоячиси Хуан Мата фаолиятини Италия А Сериясида давом эттириши мумкин.

AS нашри тарқатган хабарга кўра 29 ёшли испаниялик футболчига Миланнинг “Интер” клуби жиддий қизиқиш билдира бошлаган. “Нерадзуррилар” ушбу ҳужумкор ярим ҳимоячи билан ўзларининг олдинги чизиқларини кучайтиришмоқчи.

Эслатиб ўтамиз, Матанинг МЮ билан амалдаги шартномаси жорий мавсум сўнггида ўз ниҳоясига етади. Томонлар ҳозирча ушбу келишувни узайтириш борасида келишувга эришганича йўқ.