Мини-футбол бўйича U-16 Ўзбекистон чемпионати: Чорак финалчилар маълум

Бухоро вилояти Когон шаҳридаги БЎСМ спорт залида 16 ёшли ўсмирлар ўртасида футзал бўйича мамлакат чемпионатининг гуруҳ ўйинлари ниҳоясига етди.

11та жамоа иштирок этаётган мусобақада мезбонларнинг имконияти юқори эканлиги қайд этилаётган натижалардан кўриниб турибди.

Фурқат Хайруллаев шогирдлари гуруҳ учрашувларининг барида рақиблар дарвозасига ўндан зиёд тўплар киритиб, бош совринга асосий даъвогар эканликларини исботлашмоқда. Аксинча, Андижон, Сирдарё вилоятлари ва Қорақалпоғистон Республикаси  вакиллари имкониятларидан фойдалана олишмади.

Мусобақага Навоий, Самарқанд вилоятлари ҳамда Тошкент шаҳри жамоалари маълум сабабларга кўра келишмади. 

Шу ўринда мусобақада қатнашаётган жамоалар ҳақида икки оғиз маълумот:

Андижон – Хўжаобод тумани БЎСМ. Бош мураббийи Ж.Қодиров.

Бухоро – Когон шаҳар БЎСМ. Бош мураббий ва мактаб директори Ф.Хайруллаев.

Жиззах – Жиззах шаҳридаги болалар ва ўсмирлар футбол интернати.

Наманган – Косонсой туман БЎСМ. Бош мураббий Ш.Бозоров.

Сирдарё – Боёвут туман БЎСМ. Бош мураббий Б.Усмонов.

Сурхондарё – Термиз шаҳар БЎСМ. А.Иброҳимов.

Тошкент вилояти – Бекобод туман 1-БЎСМ. Бош мураббий А.Қўйлибоев.

Фарғона – Марғилон шаҳар 1-БЎСМ. М.Аъзамжонов.

Хоразм – Хива туман 12-футбол интернати. Бош мураббий М.Давлетов.

Қашқадарё – Қарши шаҳар БЎСМ. Бош мураббий О.Аминов.

Қорақалпоғистон – Нукус шаҳар 7-футбол интернати. Д.Отақулов.

Гуруҳларда қайд этилган натижалар:

23 январь

Тошкент в. – Андижон – 9:2

Сурхондарё – Бухоро – 4:13

Фарғона  - Қорақалпоғистон – 9:3

Хоразм – Жиззах – 2:6

Наманган – Сирдарё – 6:5

24 январь

Хоразм – Наманган – 5:3

Сирдарё – Жиззах – 0:8

Бухоро – Андижон – 17:0

Тошкент в. – Сурхондарё – 6:8

Қашқадарё – Фарғона – 3:1

25 январь. Чорак финал

Бухоро – Наманган

Жиззах – Тошкент в.

Сурхондарё – Фарғона

Қашқадарё – Хоразм

26 январь. Ярим финал

27 январь. ФИНАЛ.