Моуриньо трансфер амалга ошганидан сўнг Санчесни мақтади

Англиянинг “Манчестер Юнайтед” клуби бош мураббийи Жозе Моуриньо Алексис Санчеснинг жамоа футболчисига айланганидан сўнг,  ўз фикрларини билдириб ўтди.

“Алексис – жаҳондаги энг яхши ҳужумкор футболчилардан биридир. У бизнинг ёш ва иқтидорли ҳужум чизиғимизни тўлдиради. Санчес жамоага ўз қарашлари, амбицияларини келтира олади.

Шу ўринда, Гейнрих Мхитаряннинг кейинги фаолиятида омад ва зафарлар тилаб қоламан. Биз унинг жамоамиз учун қилган ишларини, айниқса, Европа лигаси қўлга киритилишида қўшган ҳиссасини унутмаймиз”, – деб португалиялик мутахассиснинг сўзларини келтириб ўтди клуб расмий сайти.