Рейна "Милан"га ўтадиган бўлди

Ёзда “Наполи” билан шартномаси якунланадиган ва эркин агентга айланадиган посбон Хосе Пепе Рейна фаолиятини бошқа бир А Серия жамоасида давом эттиради.

La Gazzetta dello Sport нашри тарқатган хабарга кўра 35 ёшли испаниялик дарвозабон “Милан” билан келишувга эришган ва у мавсум якунлангач “россонерилар” сафидан кетиши мумкин бўлган Жанлуижи Доннарумманинг ўрнини эгаллаши ёки унга ўриндош бўлиши мумкин.

Эслатиб ўтамиз, Рейна бундан аввалроқ жамоадошларига бу унинг “Наполи”даги сўнгги мавсуми эканлиги ҳақида айтган эди.

Фикрлар

Фикр қолдириш учун авторизациядан ўтинг!