Робиньо яна Европага қайтди

Бразилиялик машҳур ҳужумчи Робиньо яна фаолиятини Европада давом эттирадиган бўлди.

“Атлетико Минейро” билан шартномаси якунланиб, эркин агентга айланган 33 ёшли футболчи Туркиянинг “Сивасспор” клуби билан шартнома имзолади. Бу ҳақда клуб расмий сайти хабар бермоқда.

Маълумот учун, Робиньо ўтган мавсум Бразилия чемпионатида жами 30та учрашувда иштирок этиб, ўз ҳисобига 7та гол ҳамда 5та голли узатма ёздириб қўйишга эришган.

Эслатиб ўтамиз, Бразилия терма жамоаси собиқ аъзоси ўз вақтида “Реал” ҳамда “Милан” каби жамоаларда тўп сурган.