Терри "Челси"га қарши ўйнамаслик учун, АПЛ клубига ўтмаган экан

Лондоннинг “Челси” клуби собиқ сардори, ҳозирда “Астон Вилла” сафида ўйнаётган Жон Терри нима сабабдан “Суонси” бош мураббийи Поль Клемент таклифига рад жавобини берганлигини айтиб ўтди.

“Мен Польни жуда яхши биламан. Бироқ мен АПЛда “Челси”га қарши ўйнамоқчи эмас эдим. Мени қўлга киритиш учун ҳаракат қилган ва таклиф билдирган Польга ўз миннатдорчилигимни билдираман. Аммо унинг таклифини қабул қила олмас эдим”, – деб Террининг сўзларини келтириб ўтди Sky Sports.

Маълумот учун, Терри ноябр ойи бошларида Чемпионшипнинг 16-турида “Шеффилд Уэнсдей”га қарши баҳсда жароҳат олган ва узоқ муддатга сафдан чиққан эди.