"Ювентус" Стротманни сотиб олишга яна бир бор уруниб кўрмоқчи

Туриннинг “Ювентус” клуби “Рома” ярим ҳимоячиси Кевин Стротманга яна қизиқиш билдира бошлади.

Football Italia нашрининг хабар беришича “кекса синьора” мавсумлар оралиғида ўзининг марказий чизиғини кучайтирмоқчи ва бу борада туринликлар айнан 27 ёшли голландиялик футболчини кўз остиларига олиб қўйишган. Айтиш лозимки, Стротманнинг “бўрилар” билан 2020 йилга қадар имзолаган шартномасида унинг товон пули 45 млн евро этиб белгиланган.

Маълумот учун, Кевин “Рома” сафига 2013 йил Эйндховеннинг ПСВ клубидан келиб қўшилган. У ўтган давр мобайнида римликлар сафида жами 87та учрашувда иштирок этиб, ўз ҳисобига 12та гол ҳамда 19та голли узатма ёздириб қўйишга эришган.

Фикрлар

Фикр қолдириш учун авторизациядан ўтинг!