Анвар Бойназаров халқаро турнирни ғалаба билан бошлади

Аввал хабар берганимиздек кеча кикбоксинг бўйича ҳар йили ўтказилиб келинаётган “EM LEGEND” турнири старт олди. “The World Gold Belt” камари учун кечадиган жаҳон чемпионатида дунёнинг энг кучли 32 жангчиси ўзаро кураш бошлади.

Кеча Ченгду шаҳридаги “Emeishan Station” аренасида мусобақанинг “А” гуруҳи иштирокчилари “World Gold Belt” камари учун баҳсларга киришади. Чемпионатнинг илк жангида ўзбекистонлик аралаш яккакураш жанг санъатлари устаси ва икки карра муай тай бўйича жаҳон чемпиони Анвар Бойназаров учинчи марта чемпионлик камари учун юришини бошлади.

Ҳамюртимизга илк жангда хитойлик Пан Цзяюн (35-25, КО10) рақиблик қилди. Ушбу тўқнашувда Анвар Бойназаров рақибини ортиқча қийинчиликсиз мағлубиятга учрата олди.