Нурсултон Рўзибоев рақибини 1 раундда ағдарди

Аралаш яккакурашларда муваффақиятли фаолият олиб бораётган ҳамюртимиз Нурсултон Рўзибоев ўзининг навбатдаги жангини бугун Россиянинг Екатеринбург шаҳрида ўтказди.

Ушбу тўқнашувда Нурсултонга чеченистонлик Жангчураев Ахмат рақиблик қилди. Мазкур жангнинг 1-раундида ҳамюртимиз рақибини нокаутга учратди ва навбатдаги ғалабани қўлга киритди.

Энди Нурсултон 22 ноябрь куни Бишкек шаҳрида бўлиб ўтадиган “WEF GLOBAL 10” турнирида иштирок этиш учун Қирғизистонга йўл олади. Мазкур мусобақада у мезбонлар вакили Ерболот Оморзаков билан куч синашади.

Фикрлар

Фикр қолдириш учун авторизациядан ўтинг!