Шер Мамазулунов бугун навбатдаги жангини ўтказади

Ўзбекистонлик яккакурашчи Шер Мамазулунов бугун рингга чиқади. Бу спортчимиз сўнгги марта ўтган йилнинг декабрь ойида TNA қоидалари бўйича ўтказилган TATNEFT кубогида иштирок этиб, жаҳон чемпионлигини қўлга киритган эди.

Бу жангда у 85 кг вазн тоифасида иштирок этади. Унинг ушбу жангдаги рақиби россиялик Руслан Костин бўлади. Кеча ушбу профессионал тўқнашувлар олдидан вазн тортиш маросими ўтказилди. Кечада жами 13 та жанг ўтказилиши режалаштирилган.

Асосий жангда (-85 кг) беларуслик кикбоксинг устаси Игорь Бугаенко россиялик тайбоксчи Артем Левин билан “ACB KB” чемпионлиги учун кураш олиб боради.