Хабиб Нурмагомедов риелторга қарши жанг қилади

Хабарингиз бор, аралаш яккакурашлар жангчиси Хабиб Нурмагомедов бугун Макс Холлоуэга қарши октагонга чиқиши керак эди, аммо 6 апрель куни UFC шифокорлари Холлоуэни жанг қилишига қаршилик билдиришди.

Шу сабабли UFC Хабибга қарши жанг қилиши мумкин бўлган бир неча спортчиларни кўриб чиқди. Булар орасида енгил вазн тоифасида фаолият олиб бораётган Энтони Петтис (20-7), Пол Фелдер (15-3) ҳамда ярим ўрта вазн тоифасидаги Брайан Ортега. Турли сабабларга кўра, жангчиларга Нурмагомедов билан олишишга руҳсат берилмади.

UFC 223 қарори билан енгил вазн чемпионлиги учун курашда Хабиб Нурмагомедовга қарши Нью-Йорклик жангчи Эл Яквинта (13-3-1) октагонга чиқади. Маълумот учун, Яквинтанинг асосий иш фаолияти риелторлик бўлиб, унинг охирги жанги 2017 йилда бўлиб ўтган.