Bugun Mahmud Murodovning XFN turniridagi so‘nggi jangini to‘g‘ridan-to‘g‘ri tomosha qiling

Aralash jang san’talari ustasi Mahmud Muradov (13-6, KO6) o‘zining navbatdagi jangini bugun tunda Chexiya poytaxti Praga shahrida o‘tkazadi.

Mazkur jangda hamyurtimiz braziliyalik Ervaldo de Oliveyra (35-22-0) bilan kuch sinashadi. 41 yoshli bu sportchi shu vaqtgacha jami 57 ta professional jang o‘tkazib, ulardan 35 tasida zafar quchgan bo‘lsa, 22 tasida imkoniyatni boy bergan. So‘nggi o‘tkazilgan 5 ta jangining uchtasida raqiblarini mag‘lub qilgan.

E’tiborlisi, jang O‘zbekistonda "Sevimli" telekanali orqali to‘g‘ridan-to‘g‘ri translyatsiya qilinishi rejalashtirilgan. Jang bugun tunda Toshkent vaqti bilan 01:10da boshlanadi.

Eslatib o‘tamiz, Mahmud Muradov hozirda World Kickboxing Network tashkiloti talqini bo‘yicha qit’alararo chempion, Caveam talqini bo‘yicha jahon chempioni va XFN talqini bo‘yicha jahon chempioni hisoblanadi.