Денис Истоминга ютқазган Новак Жоковичга ишонмай қўйишди
"Катта дубулға" туркумидаги "Уимблдон" чемпионатининг 1987 йилги ғолиби, авсралиялик машҳур теннисчи Пэт Кэш бу йилги Австралия чемпионатида ўзбекистонлик Денис Истоминдан қақшатқич мағлубиятга учраган жаҳоннинг иккинчи рақамли теннисчиси Новак Жоковичнинг имкониятлари ҳақида гапириб ўтди.
- Новакнинг энг зўр дамлари орта қолди, - деди Пэт Кеш. - Албатта, кетма-кет тўрт марта "Катта дубулға" турнирларида ғолиб чиқиш буюк натижа. Бироқ энди Новакнинг ўйини пасайишни бошлади. Яна юқори чўққига чиқиш учун ақлбовар қилмас даражада интилиш керак. Бу шу кунгача фақат бир киши - Род Лэйверга насиб қилган.
Австралия очиқ чемпионатининг амалдаги ғолиби бўлган Новак Жокович бу йилги турнирнинг иккинчи даврасида беш сет давом этган учрашувда ҳамюртимиз Денис Истоминга ютқазганди. Учрашувдан сўнг сербиялик теннисчи Ўзбекистон вакили уни ҳаққоний тарзда мағлуб этгани, Денис Истомин ўйиннинг энг муҳим паллаларида ундан устунлик қилганини тан олди.
Фикрлар