Жўрабек Каримов бугун икки маротаба кортга чиқади

Бугун истеъдодли теннисчимиз Қатарда Халқаро теннис федерацияси томонидан ўтказилаётган мусобақанинг чорак финал йўлланмаси учун кортга чиқади.

Мукофот жамғармаси 15 000 АҚШ доллари бўлган “Фьючерс” турнирининг асосий тўр баҳсларининг биринчи даврасида Жўрабек Каримов италиялик Мирко Кутули 7:5, 6:3 ҳисобида енгди.

Энди Жўрабек иккинчи даврада франциялик Энтони Эскоффиерга қарши кортга чиқади. Ушбу учрашув Тошкент вақти билан 18:30да бошланади.

Шунингдек, Жўрабек бугун жуфтлик баҳсларида ва теннисчимиз Саидаъло Саидкаримов билан чорак финалда франциялик Жейми Флойд Анжел ва Уго Умберга қарши баҳслашади.

Sports.uz

Фикрлар

Фикр қолдириш учун авторизациядан ўтинг!