Нигина кучли теннисчини мағлуб этди ва финалга чиқди

Грузиянинг Батуми шаҳрида аёллар ўртасида мукофот жамғармаси 25 000 АҚШ долларини ташкил этувчи турнир давом этмоқда.

Ҳамюртимиз Нигина Абдураимова ушбу турнирнинг финал босқичига чиқди. У бугун ярим финалда словениялик Виктория Кузмовага қарши кортга чиқди. 1 соат 27 дақиқа давом этган беллашувда Нигина WТА рейтингида ўзидан 153 поғона юқорида турган рақибасини 6:4, 6:4 ҳисобида мағлуб этди.

Энди Нигина эртага финалда россиялик Анна Калинскаяга қарши кортга чиқади. Ушбу ўйин эртага Тошкен вақти билан соат 11.00 да старт олиши режалаштирилган.

Фикрлар

Фикр қолдириш учун авторизациядан ўтинг!