Сабина Шарипова янги маррага интилмоқда
Ўзбекистоннинг аёллар ўртасидаги энг кучли теннисчиси Сабина Шарипова янги мавсум олдидан SPORTS.uz ахборот порталига берган интервьюсида жорий мавсумда Аёллар теннис уюшмаси - WTA таснифидаги мусобақаларда қатнашишга катта урғу беришини таъкидлаган эди.
Янги мавсумни "Катта дубулға" туркумидаги Австралия очиқ чемпионатининг саралаш босқичларидаги кетма-кет икки ғалаба билан бошлаган ўзбекистонлик ракетка устаси энди Россиянинг Санкт-Петербург шаҳри мезбонлик қиладиган "St. Petersburg Ladies Trophy 2017" турнирида қатнашади.
Сабина Шарипова мусобақани саралаш турниридан бошлайди. Қуръа натижасига кўра, 22 ёшли тошкентлик теннисчи биринчи учрашувда руминиялик Патриция Мария Тиг билан рақобатлашади.
Нуфузли мусобақада Сабина Шариповага омад тилаймиз!
Фикрлар