Жиль Симон 561.345 долларни ўзиники қилмоқчи
Ҳиндистоннинг Пуна шаҳрида “ATP Tata Open Maharashtra – 2018” турнири қизғин паллага кирди.
Профессиональ теннисчилар ассоциацияси томонидан ўтказилаётган мукофот пули 561.345 АҚШ долларини ташкил этувчи мусобақанинг иккинчи даврасида хорватиялик Марин Чилич мезбон теннисчиси Рамкумар Раманатанни 6:4, 6:3 ҳисобида мағлубиятга учратди.
Франциялик Жиль Симон испаниялик Роберто Баутиста-Агутни биринси сетда 6:3 ҳисобида ютган бўлса, иккинчи сетда тай-брекда зафар қучди. Яна бир француз теннисчиси Бенуа Пэр венгрия вакили Мартон Фучовични уч сетда таслим қилди.
Шунингдек, чорак финал йўлланмаси учун ўтган баҳсларда Робин Хаасе (Голландия), Михаил Кукушкин (Қозоғистон), Пьер-Уг Эрбер (Франция) ҳамда Рикардо Охеда Лара (Испания) ғалаба қозонди.
Фикрлар