Ник Киргиос ҳамюртимиз Денис Истомин каби чорак финалга чиқди
Мамлакатимизнинг биринчи рақамли теннисчиси Денис Истомин Австралияда ўтаётган “Brisbane International – 2018” турнирининг чорак финалида ўйнайди.
Денис мусобақанинг иккинчи даврасида АҚШ вакили Жаред Дональдсонга қарши кортга чиқди. Учрашувнинг биринчи сетини тай-брекда ўз фойдасига ҳал қилган теннисчимиз, иккинчи сетда 6:2 ҳисобида зафар қучди.
Австралиялик Ник Киргиос ва Мэтью Эбден ўртасидаги баҳс 6:7, 7:6, 6:2 ҳисобида якунланган бўлса, канадалик Милош Раонич эса мезбон теннисчи Алекс де Минаурга 6:4, 6:4 ҳисобида енгилди.
Америкалик Майкл Ммо германиялик Миша Зверевни 6:2, 5:7, 6:4 ҳисобида мағлубиятга учратди. Украиналик Александр Долгополов чорак финалга чиқиш учун аргентиналик Орасио Себальос билан баҳслашди ва 6:1, 6:2 ҳисобида зафар қучди.
Шунингдек, мусобақанинг иккинчи даврасида Григор Димитров (Болгария) – Джон Миллман (Австралия), Райан Харрисон (АҚШ) – Янник Ганфманн (Германия) ва Кайл Эдмунд (Буюкбритания) – Хен Чон (Жанубий Корея) ўртасидаги баҳслар ўтказилмоқда.
Фикрлар