Ўзбекистон - энг юқори савиядаги терма жамоа!

  • 10 декабрь, 2016, 16:00
  • 0
  • Бокс
 
 
Латвиянинг Рига шаҳрида бокс бўйича "Riga Open - 2016" халқаро турнирида дунёнинг ўндан зиёд мамлакатидан 150 нафарга яқин боксчи ғолиблик учун курашмоқда. Ушбу мусобақа Европада узоқ йиллардан буён давом этиб келаётган турнирдир. Бу гал 67-маротаба ўтказилмоқда.
 
Мусобақада Сирожиддин Ғуломжонов, Абдулҳай Шораҳматов, Элнур Абдураимов, Маҳмуд Ғоипов, Баҳодир Жалолов мамлакатимиз шарафини ҳимоя қилаётир.
 
Мусобақа ташкилотчиси - Латвия бокс федерацияси президенти Нил Журавлёв Ўзбекистон терма жамоасини ушбу нуфузли турнирнинг кўрки деб атади.
 
 
 
- Турнир қатнашчиларининг барчаси кучли таркибга эга, - деди Нил Журавлёв. - Лекин Ўзбекистон энг юқори савияли жамоа. Рио Олимпиадасида ўзбеклар еттита медаль жамғарди. Уч боксчи чемпион бўлди. Улар Риода энг зўр эканликларини исботлашди. Ўзбекистонлик чарм қўлқоп усталарининг "Riga Open - 2016"да қатнашиши турниримизнинг нуфузини янада кўтаради.
 
 
Дарҳақиқат, Ўзбекистон терма жамоаси аъзоларидан Сирожиддин Ғуломжонов, Элнур Абдураимов ва Маҳмуд Ғоипов дастлабки жангларинида зафар қучди.
 
SPORTS.uz

Фикрлар

Фикр қолдириш учун авторизациядан ўтинг!