"Стэмфорд Бриж"ни таъмирлаш ишлари 2024 йилга қадар чўзилиши мумкин

Лондоннинг “Челси” клуби уй стадиони ҳисобланган "Стэмфорд Бриж"нинг реконструкция ишлари 2024 йилга қадар чўзилиши мумкин.

TalkSPORT нашрининг маълум қилишича 565 млн евро эвазига қайта таъмирланиши кўзда тутилган ўйингоҳ даставвал 2022 йилга қадар битказилиши айтилаётган эди. Бироқ, қурувчиларнинг сўзларига кўра стадион атрофидаги ишлар кутилганидан кўпроқ вақт талаб этади. Унга кўра иншоот 2024 йилда фойдаланишга топширилади.

Қайд этиш лозимки, айни дамда "Стэмфорд Бриж" ўз бағрига 41 663 томошабинни сиғдира олади. Таъмирлаш ишларидан сўнг эса 60 мингдан зиёд ишқибоз бевосита “Челси” ўйинларини ушбу стадиондан кузатиш имконига эга бўлади.

Энди “Челси” 2020 йилга келиб вақтинчалик бошқа бир стадионга кўчиб ўтишига тўғри келади. Клуб раҳбарияти бу борада “Уэмбли” вариантини мақуллашмоқда.