2017 йилги “Тилла бола” соврини соҳиби маълум бўлди

Франциянинг ПСЖ жамоаси ҳужумчиси Кильян Мбаппе Италиянинг Tuttosport нашри томонидан ҳар йили топшириладиган Golden Boy совринига эга чиқди. Ушбу соврин Европанинг 21 ёшгача бўлган энг яхши футболчисига топширилади.

Кильян Мбаппе “Барселона” аъзоси Усмон Дембеле ва “Манчестер Сити” жамоаси ҳужумчиси Габриэль Жезусни ортда қолдиришга муваффақ бўлди.

Ўтган мавсумда франциялик иқтидор эгаси “Монако” сафида 44 та ўйинда 26 та голга муаллифлик қилди. Мбаппе “Монако” билан Франция чемпиони ва ЕЧЛ ярим финал иштчирокчисига айланди.

Ушбу мавсумда эса ПСЖ ёш маҳорта эгасини 140 млн фунт эвазига ўз сафига қўшиб олди.