АГМК Туркияда венгер клуби билан дуранг ўйнади
Олмалиқнинг АГМК клуби янги мавсум учун тайёргарликни Туркияда давом эттирмоқда. Виктор Кумиков шогирдлари бугун мазкур йиғин доирасида Венгриянинг “Сегед-2011”га қарши назорат учрашувида майдонга тушди.
Венгрия иккинчи лигасида иштирок этувчи жамоага қарши баҳсда АГМК 1:1 ҳисобида дуранг ўйнади.
78-дақиқада Вадим Чемиртанга нисбатан жарима майдонида қоида бузилди. Учрашув бош ҳаками пенальти белгилади, уни жабрланувчининг ўзи аниқ амалга оширди ва ҳисобни очди.
82-дақиқада эса венгрияликлар мувозанатни тиклашди.
Назорат ўйини
АГМК (Ўзбекистон) – “Сегед-2011” (Венгрия) 1:1.
Фикрлар