АПЛ. Бугун 22-турнинг сўнгги баҳслари бўлиб ўтади (+ ТВ дастур)

Бугун Англия премьер лигаси 22-туридан ўрин олган сўнгги учта учрашувлар бўлиб ўтади.

Куннинг дастлабки ўйинида мухлислар “Сент-Мэрис” стадионида “Саутгемптон” – “Лестер” қарама-қаршилигига гувоҳ бўлишади. Турнир жадвалининг иккинчи ўнталигидан жой олган бу жамоалар орасидаги фарқ фақатгина уч очкони ташкил этади ва ушбу учрашув барчасини ҳал этади.

Саутгемптон – Лестер (ТВ: Матч! Футбол 1)

22 января, 17.00, “Сент-Мэрис“ 

Турнинг яна бир муҳим учрашуви ”Эмирейтс” майдонида бўлиб ўтади. Унда кўпчилик томонидан “4” рақами билан ёдга олинадиган “Арсенал” жамоаси “Бернли”ни қабул қилади. “Ливерпул»нинг бу турдаги мағлубияти ҳамда “Тоттенхем”нинг қайд этган дуранг натижаси ”канонирлар”нинг турнир жадвалида иккинчи ўринга кўтарилиб олишларига имконият яратади.

Арсенал – Бернли (ТВ: UZREPORT TV, Матч! Футбол 1)

22 января, 19.15, “Эмирейтс”

Турнинг энг сўнгги учрашуви эса “Стэмфорд Бриж”да ўтказилади. Ушбу учрашувда чемпионат пешқадамлари “Челси” вакиллари турнир “аутсайдери” “Халл Сити”га қарши майдонга чиқади. Шундоқ ҳам энг яқин таъқибчисидан олти очко олдинда бораётган “аристократлар” бу турни ортиқча босимсиз ўтказишларига шубҳа йўқ.

Челси – Халл Сити

22 января, 21.30, ”Стэмфорд Бриж” (UZREPORT TV, Матч ТВ)