АПЛ жамоаси деярли бутун таркибдан воз кечади

 

Англия премьер-лигасида иштирок этаётган "Сток Сити" бош мураббийи Марк Хьюз мавсум якунланиши билан жамоа таркибини бутунлай янгиламоқчи.

Тажрибали мураббий ҳозирги таркибнинг аксарият ўйинчилари талабга жавоб бермайди деб ҳисобламоқда. Хусусан, клуб тарихидаги энг қиммат футболчи - "Порту"дан 18,3 миллион фунтга олинган Жанелли Имбула ҳам трансферга қўйилади.

"Манчестер Сити"дан ижарага олиниб, ишончни оқламаган ва атиги иккита гол урган Вилфрид Бони яна ортга қайтариб юборилади.

Шунингдек, Боян Кркич, Иброҳим Афеллай, Стивен Айрленд ва Шей Гивен ҳам жамоани тарк этишга яқин турибди. Қолаверса, Филипп Вольшайд, Марк Муньеса ва Хоселу бошқа клублардан таклиф кутмоқда.

"Сток Сити" Англия премьер-лигасида ўнинчи ўринда бормоқда.

SPORTS.uz

Фикрлар

Фикр қолдириш учун авторизациядан ўтинг!