Адебайор: Нега Англияда ҳурмат қозона олмадим? Буни ўзим ҳам билмайман

Того терма жамоаси ҳужумчиси Эммануэль Адебайор ўтган йилнинг июнь ойидан бери ишсиз юрганига қарамай ўзини жуда яхши ҳис этаётганини баён этди. XXI Африка Миллатлар Кубогида ўз терма жамоаси билан иштирок этаётган 32 ёшли футболчи яна АПЛга қайтишни жуда ҳам хоҳлаётганини яшириб ўтирмади.

- Европадан Африка қайтиб келишим ҳаётимдаги катта ўзгаришларга сабабчи бўлди. Бироқ Того терма жамоаси билан вақтимни чоғ ўтказмоқдаман. Биз биргаликда футбол билан биргаликда ҳаётимизнинг яна бир ажойиб лаҳзаларини ўтказмоқдамиз.

- Дўстларим "сен бу ерда қолиб кетмаслигинг керак" деган маънода кўп гапиришди. Бироқ мен шу ерда туғилганман. Мен туғилганимда ҳатто чироқ ҳам йўқ эди. Нега энди ўз туғилиб ўсган жойимдан пул учун юз ўгиришим керак?

- Кўп инсонлар ҳали ҳам яхши ўйин кўрсата олишимга ишонади ва улар бу ишни амалга оширишимни кутишмоқда. Уларнинг ишончини янада мустаҳкамлаш учун яна АПЛга қайтишга ҳаракат қиламан. Тўғри, Англияда ҳурмат қозона олмадим. Лекин нега бундай бўлганини ҳалигача тушуна олмайман. Ҳар бир ўйиндан сўнг жамоадошларим, дўстларим ва мухлислар ажойиб ўйин учун қутлашдан чарчамас эдилар. Аммо ОАВ ўзи хоҳлаганча ёзди ва якунда барчасини мен учун қийин қилиб қўйди, дейди – Эммануэль Адебайор.

Фикрлар

Фикр қолдириш учун авторизациядан ўтинг!