Афониннинг янги жамоаси номи маълум бўлди

Бундан бироз олдин ҳамюртимиз Вадим Афонин Махачқаланинг “Анжи” клуби билан шартномасини бекор қилгани борасида хабар берган эдик.

Ҳамюртимиз фаолиятини қаерда давом эттириши маълум бўлди. Унга кўра, Афонин “Оренбург” футболчисига айланди.

Клуб расмий сайтида ёзилишича, Афонин жамоанинг Туркияда бўладиган ўқув-машғулот йиғинида иштирок этади.

Ҳамюртимиз “Оренбург” билан неча йиллик шартнома имзолагани маълум қилинмади.

Қайд этиш жоиз, 30 ёшли Афонин 2014-2017 йилларда ҳам "Оренбург" сафида тўп сурган эди.