Африка миллатлар кубогининг энг яхши футболчиси Виталий Денисовнинг жамоадоши бўлади

Камерун терма жамоаси ҳужумчиси Кристиан Бассогог кеча якунланган Африка миллатлар кубоги мусобақасининг энг яхши футболчиси деб топилди.

21 ёшли форвард турнир давомида ўз ҳисобига 1та гол ҳамда 1та голли узатма ёздириб қўйишга эришди. Унинг жамоаси эса финалда Миср терма жамоаси устидан 2:1 ҳисобида ғалаба қозониб, чемпионликка эришди.

Таъкидлаш керакки Даниянинг “Ольборг” клуби шарафини ҳимоя қилувчи футболчига ҳамюртимиз Виталий Денисов тўп сурадиган Москванинг “Локомотив” клуби жиддий қизиқиш билдирмоқда. Тез орада Бассогог москвалик "темирйўлчилар" сафига қўшилиши кутилмоқда.

Фикрлар

Фикр қолдириш учун авторизациядан ўтинг!