Агар "Вест Хэм" "Суонси"ни юта олмаса, Билич истеъфога чиқарилади

Лондоннинг “Вест Хэм” клуби бош мураббийи Славен Билич агар жамоаси кейинги турда “Суонси”ни юта олмаса  истеъфога чиқарилади. Бу ҳақда The Telegraph нашри хабар бермоқда.

Бордию хорватиялик мутахассис жамоадан кетса, у ҳолда “болғачилар”га айни дамда клуб академиясида фаолият олиб бораётган Терри Уэстли бошчилик қилади. Таъкидлаш керакки, Уэстли аввал ҳам Билич оилавий сабабларга кўра жамоада бўлмаганида, унинг вазифасини бажариб турган.

Маълумот учун, Билич “Вест Хэм”ни 2015 йилдан буюн бошқариб келмоқда. Жорий мавсум лондонликлар премьер-лиганинг 15-поғонасида боришмоқда.