Агар Хесус Навас “Рома”га ўтса қанча маош олади?
Аввал хабар берганимиздек Англиянинг “Манчестер Сити” клуби ярим ҳимоячиси Хесус Навас фаолиятини Италия А Сериясида давом эттириши мумкин.
Talksport нашрининг хабар беришича Римнинг “Рома” клуби 31 ёшли испаниялик футболчининг хизматларига жиддий қизиқиш билдирган ва унга 3 йиллик шартнома таклиф қилишга тайёр. Агар Навас ушбу келишувни имзоласа, у ҳолда футболчи “бўрилар”дан йилига 3 млн евро маош олади.
Маълумот учун, Навас жорий мавсум Англия премьер-лигасида 19та учрашувда майдонга тушган ва ўз ҳисобига 2та голли узатма ёздириб қўйишга эришган.
Эслатиб ўтамиз, бу футболчига шунингдек “Севилья” клуби ҳам жиддий қизиқиш билдирмоқда.
Фикрлар