Аҳмедовнинг "Реал"да ўйнаган жамоадоши 7 ойлик қамоққа ҳукм қилинди

Португалиялик машҳур ҳимоячи Рикарду Карвальюга 7 ой озодликдан маҳрум этиш жазоси тайинланди. Бу ҳақда Football Espana нашри хабар бермоқда.

Бундай қарор футболчининг 2011-2012 йилларда “Реал” сафида ўйнаб юрган пайтларида солиқлардан бўйин товлагани билан боғлиқ. Аммо, Испания қонунларига кўра икки йилгача белгиланган қамоқ жазоси шартли равишда жаримага алмаштирилиши мумкин.

Маълумот учун, айни дамда ҳамюртимиз Одил Аҳмедов билан бирга Хитойнинг “Шанхай СИПГ” клубида тўп сураётган Карвалью фаолияти давомида “Порту”, “Челси”, “Реал” ва “Монако” каби жамоаларда ҳам ўйнаган. У шунингдек Португалия терма жамоаси сафида 89та учрашувда майдонга тушган.