Акула овчилари ёхуд "Ювентус” Европа чемпионлар лигасининг яққол фаворити

20 апрель, 19:20 688

Акула овчилари ёхуд

Буффон дазвозаси ҳали ҳамон забт этилгани йўқ. Месси ҳалигача Буффонга бирор марта гол ургани ҳам йўқ. "Ювентус" Европа чемпионлар лигаси чорак финалига қадар 531 дақиқа давомида ўз дарвозаси дахслизлиги сақлаб келмоқда.

19 апрел куни ЕЧЛ 1/4 чорак финали жавоб учрашувида "Ювентус” "Барселона” билан дуранг ўйнади. Бу натижа "кекса синьора"нинг кейинги босқичга ўтишни таъминлади. Аммо "кўк-анорранглилар" жангсиз таслим бўлишди, деб айта олмаймиз, чунки Неймар ўйининг энг яхши ўйинчиси деб топилди. Бразилиялик футболчи бир ўйинда 13 маротаба рақиб ўйинчиларини алдаб ўтган, бундай ишни эса "Челси” футболчиси Эден Азар 2014 йилда амалга оширган.

"Барселона"нинг ҳамма ҳужуми Неймар орқали ўтди, аммо футболчи ўз жамосига чорак финал йўлланмасини олиб бера олмади.Энди "кўк-анорранглилар"нинг мухлислари мўъжизани Мессидан эмас, айнан Неймардан кутишмоқда ва қайсидир маънода Неймар етакчилик ролини уддаламоқда.

Кўнгилни эзувчи Неймарнинг кўз ёшлари, футболчининг қанчалик ғалабани ҳоҳлаганини билдиради.

"Ювентус”га қайтадиган бўлсак, улар қандай қилиб "Камп Ноу"да ўз дарвозасидан гол ўтказмадилар. Ахир каталонияликлар Чемпионлар лигаси сўнгги баҳсларига мунтазам ўз рақиблари дарвозасига 4 та дан тўп урган эди.

"Ювентус” биринчи дақиқаларданоқ прессингни ташкил этишга уринди, аммо таймнинг ўрталарига келиб ундан асар ҳам қолмади. ПСЖ - "Барселона” ўйинидагидек испанлар тезкорлик билан ўйиндаги ҳукумкорликни олиб қўйиб, рақибини ўз дарвозасига сиқиб қўйди. Фақат онда-сонда, Куадрадо томонидан берилган паслар эвазига Дибала ва Игуаин майдоннинг бўш ҳудудларига чиқиб келиб туришди. Сабаби Алба ва бошқа ҳимоячилардан олдинга кам миқдорда топ узатишди.

Шундай қилиб нима сабабдан "Ювентус” ўз дарвозаси дахлсизлигини сақлаб қолди? Туринликларнинг ҳимояси ҳақида неча маротаба гапирилди, аммо уларнинг ярим ҳимояси ҳақида ҳам такидлаб ўтиш лозим, Пьянич каталонияликларга ўта кучли босим ўтказди. "Юве” футболчилари ўйиндан Месси ва Суаресни ажратиб қўйишди. Бускетс учун майдонда бўш жойнинг ўзи қолмади.

Неймарнинг яккахон ҳаракатлари ҳеч қандай натижа келтирмади. Жарима майдончаси ичида эса ҳар бир "Барселона” ўйинчиси ёпиб қўйилганлиги сабабли узатма беришга бўш одам топилмади.

Иккинчи қаватдаги курашда эса "Барса"нинг новча футболчилари йўқлиги панд беришди. Биргина йўл, пастдан тўп узатмалари қолди холос. Ҳа, яна ҳужумкор учликнинг яккахон дриблингларига ишонишди, аммо улар "Юве“нинг метин ҳимояси олдида ожиз қолишди.

Аллегри жамоаси ҳозирда жаҳонда ҳаммадан ҳам кўра яхши ўйин кўрсатмоқда. Шунингдек, уларнинг ҳар бир чизиқ футболчилари бир текис ўйин кўрсатмоқдалар: ҳимоя, ярим ҳимоя, ҳужум ва албатта, ҳеч ҳам қаримайдиган Буффон ўз ўринларда рақибларга имкон бермади. Агар туринликлар тўпга эгалик қилишни хоҳлашса албатта, бунга эришадилар. Бундан ташқари қарши ҳужумда ўйнашни исташганда ҳам бу ишни қойилмақом тарзда амалга оширардилар.

Мунтазамлик. Тажриба. Сабр. Босиқлик. Мажбурият. Мана нималар сабаб "Ювентус” "Барселона“ни енгиб ўтди. Биз бу нарсалар бошқа жамоаларда йўқ деб айта олмаймиз, аммо Аллегри жамоаси шу жамланмани ўзларида ўта юқори даражага олиб чиқишди.

Бундай "Ювентус"ни кимдир тўхтата олармикан? Буни эса вақт кўрсатади.

Шухрат Турсунов

Ижтимоий тармоқлар

Бизни ижтимоий тармоқларда кузатиб боринг!

.