“Ал Айн” футболчиси: “Бунёдкор” стадионида яхши хотираларим қолган

Хабарингиз бор, бугун ОЧЛ-2017 гуруҳ босқичи 2-туридан ўрин олган “Бунёдкор” – “Ал Айн” учрашуви бўлиб ўтади. Мазкур ўйин олдидан меҳмонлар футболчиси Лукас Кайо “қалдирғочлар” стадиони борасида ўз фикрларини билдириб ўтди.

- Мен бу стадионга олдин ҳам келганман. “Бунёдкор” стадионида менинг ажойиб хотираларим қолган. Ўтган йили “Ал Аин” таркибида ОЧЛ баҳсларидан ўрин олган “Локомотив”га қарши ўйинда муҳим бўлган голни урганман, - дейди футболчи.

Эслатиб ўтамиз, “Локомотив” – “Ал Айн”нинг Тошкентдаги беллашувида меҳмонлар 1:0 ҳисобида зафар қучишганди ва кейинги босқичга йўл олишган.