"Ал-Садд" Хави билан келишувни узайтиргани ҳақида эълон қилди
Қатарнинг "Ал-Садд" клуби испаниялик ярим ҳимоячи Хави Эрнандес билан амалдаги шартномани узайтиргани ҳақида расман эълон қилди.
Берилган маълумотларга қараганда 38 ёшли футболчи қатарликлар билан 2020 йилга қадар тузилган келишувни имзолаган.
“Ал-Садд”да яна икки йил қолишимдан жуда хурсандман. Ушбу жамоада эканлигимдан ва шундай мухлислар қуршовидалигимдан бахтиёрман”, - дейди Хави.
Эслатиб ўтамиз, Хави "Ал-Садд"га 2015 йил “Барселона”дан келиб қўшилган эди. У ўтган давр мобайнида жами 64та учрашувда иштирок этди ва ўз ҳисобига 17та гол ҳамда 21та голли узатма ёздириб қўйишга эришди.
Фикрлар