Алекс Фергюсон нима сабабдан Зиданни сотиб олмаган?

Англиянинг “Манчестер Юнайтед” клубининг фахрий президенти Мартин Эдвардс 1995 йил жамоа Зинедин Зиданни қўлдан чиқарганлигини айтиб ўтди.

“Зидан хали “Бордо”да тўп суриб юрган маҳал бош скаутимиз бизга Зинединга эътибор қаратишни сўраган эди. Мен эса буни Фергюсонга етказганман. Алекс эса Кантона ҳам унга айнан шундай маслаҳат берганлигини айтиб ўтди.

Бироқ мураббий бу икки футболчини бир позицияда тўп суради деб ҳисоблаган. Фергюсон Кантона узоқ муддатли дисквалификацияга учраганидан сўнг, шартномани узайтириш учун Францияга борганда ҳам, бунга журъат этмаган эди” – деб айтиб ўтди Эдвардс клуб расмий телеканалига берган интервюсида.