Александр Мочинов: Ўрнимга келадиган мураббий жамоага янгилик олиб киради

"Сўғдиёна" - "Қизилқум" (1:3) учрашувидан кейинги матбуот анжманининг иккинчи қисмида мезбонлар устози Александр Мочинов иштирок этди. Бу ҳақда “Сўғдиёна” матбуот хизмати хабар бермоқда.

- Рақибни табриклайман. Улар бугун муносиб ҳаракат қилишди. Одатда бундай вазиятда бош мураббий истеъфо беради. Бошқа нима ҳам дейиш мумкин. Демак мураббий айбдор, у ўйинга яхши тайёрлай олмаган.

"Сўғдиёна"га ўзаро тушуниш, ишонч етишмаяпти. Жамоа шунчаки натижага ўйнаса чиройли ўйин бўлмайди. Биз ҳам чиройли ўйнаб, ҳам натижага эришишга уриндик. Аммо ўхшамаяпти. Гол уришимиз керак вазиятда, қарши ҳужумдан гол ўтказдик. Барча айб менда, таркибни танлашда хато қилдим. Уйимизда 1:3 ҳисобида ютқазганимиз учун мухлислардан узр сўрайман. Ўрнимга бошқа мураббий келса, бу тез бўладими ёки йўқми билмайман, у янгилик олиб келади. "Сўғдиёна"да ҳозир кичик инқироз бор. Йигитларга охиригача ўйнашганига раҳмат, жамоанинг потенциали бор, аммо мен уни юзага чиқара олмадим. Яна бир бор узр сўрайман ва барча айб мендалигини қайтараман, - деди Александр Мочинов.

- "Қизилқум"ни ғалаба билан табриклайман, бошқа хеч нима дея олмайман, - деди Сардор Азимов.