Александр Усик россиялик боксчини мағлуб этиб, мутлоқ жаҳон чемпионига айланди

Россиялик боксчи Мурат Гассиев мосвкада ўтган Бутунжаҳон бокс суперсерияси (WBSS турнири финалида очколар бўйича украиналик Александр Усикка имкониятни бой бериб қўйди.

Жанг 12 раунд давом этди. Якунда ҳакамлар 120:108, 119:109 ва 119:109 ҳисоблари билаг украиналик боксчининг ғалабасини эълон қилди.

Шундай қилиб, Усик тўрт ташкилот - WBA, WBC, WBO ва IBF бўйича биринчи оғир вазн тоифасида (90,71 кг) мутлоқ жаҳон чемпионига айланди ва биринчи бўлиб Муҳаммад Али кубогини қўлга киритди.

31 ёшли Усик ҳисобида ҳозирча 15 жангда 15 ғалаба (11 нокаут) бор бўлса, 24 ёшли Гассиев фаолиятидаги илк мағлубиятни қабул қилди. Бунгача 26 жангнинг барчасида зафар қучган (19 нокаут).

Фикрлар

Фикр қолдириш учун авторизациядан ўтинг!